原想是一席訪談, 未竟是我一次考驗!
大家應該唔會知道, 在剛剛過去10號, 原來 Fairynoise 跟大家見面已經一年,
大家可能會問, 咁樣開場白,即係代表咩呢? 咪即係已經踏入第二年囉.
過去一個星期, 兩個颱風'獅子山'和'圓規'同一個星期路過香港, 八號颱風給大部份人多一的休息機會, 但就打斷了我們跟Jane Ng 訪談約定.
不過, 延期就延期 都唔緊要.
點解? 因為...除左面對面訪談, 其實係10月14日晚, 我參與 Alternatif Fashion Talk, 講下 Fairynoise.com
不過當我發現這樣一個介紹, 我真係立時無語, 實在太抬舉, 小弟真係受唔起!
Alternatif Fashion Workshop
對於我, Alternatif 當然陌生, 做下功課, 就知道一定要準備好, 絕不能失禮人家平台
Silvio Chan 陳仲輝
Creative Director - Alternatif Fashion Workshop
從事設計工作三十多年，職業生涯中參加過紐約時裝周和東京時裝周；曾任中國李寧運動品牌創意總監，也在香港理工大學及薩凡納藝術設計大學香港分校教過書；出版作品包括《中國男裝》和《中國潮男》。
真心配服一篇敢評時裝界文章 - 香港時裝生與死 | 資深設計師 Silvio Chan寫給香港時裝的出師表
Thank you 感言!
我理解這一場屬於私人性質, 參與都是設計師, 對於我這個跑業務是屬於外行, 所以我是非常感謝各位設計師耐心, 接納這個外行人, 讓我有機會借這個平台一個多小時, 分享了Fairynoise理念.
我必須感謝Jane Ng 邀請, 感謝 Silvio Chan, Yeung Chin 和 Winnie Witt 抽空參與.
特別想多謝 Silvio Chan (陳Sir) 給我鼓勵和寄語, 點出一些建議和Fairynoise前路想法.
Designer Talk
原對於一個多小時 Fashion Talk, 事前 Jane Ng 是提前發了一些問題給我,
LIVE MUST GO ON
原來開 Live 跟我原先想像係有一定落差, 有一些問題並不能交代, 所以我希望將原先準備好回覆在這一次交代.
Jane: 你的 Project 是甚麼？短期目標？長遠願景?
Danny: Fairynoise 作為其中一個香港本土網站, 以本土畢業設計師為中心, 以不同角度, 透過不一樣形式, 報導他們設計路上點滴之餘, 亦分享他們設計成果, 讓大眾對設計師和這個行業有更多了解. 期望引發大眾於日後選購產品同時, 不單單對產品本身, 而對於產品背後,能多一重想法.
現時 Project 算係探索階段.
短期目標: 就係認識更多設計師, 當然希望更多設計師知道有這個平台存在, 而我期望為每一位設計師撰寫一篇文章, 另方面就係常試了解設計師們係發展方面難處.
長遠願景: Fairynoise 本著 "多元" / "跨界" / "聯乘"為核心, 期望不同類別業界和不同類別設計師加入, 通過不同合作聯乘, 造出更多可能性同時, 亦希望借這個平台空間將設計師抽離主流工作, 探索同發掘自己另一面, 其實都幾好.
Jane: 開始了多久？
Danny: 呢個關於本地設計師網站係2020年10月10日開始, 啱啱就過左1週年, 呢個日子當初並非係預訂, 而係一個巧合, 我記得舊年年初開始搜集資料和撰稿, 到我覺得差唔多準備好, 就望一下月曆考慮邊日正式同大家見面, 當時原來已經係10月, 一睇就梗係10號, 20201010幾好記嘛.
Jane: 為何有這想法？
Danny: 對於我, 呢個唔算係一個想法, 而係一份感受, 而且已經係好多年前感受,
當時我剛剛轉行入左一間工廠做銷售員, 算係新丁, 日常工作就係接待外國客戶買手, 當中一部份就係設計師, 佢地都屬於負責公司來季或者明年產品.
有些設計師一年會飛過來2次, 見面時間多就自然變成朋友一樣, 除左工作, 都會傾下其它, 當時我就知道當一名設計師並唔係我想像輕鬆, 反而壓力好大, 原來他們設計產品買得好同買得唔好, 下場可以好大分別, 就係天堂同地獄分別.
當時想法, 我做銷售, 算唔上一門專業, 肯做就有收獲, 人地做設計應該係專業, 點解好似好辛酸, 唔受人尊重. 當時就有一些想法, 做的咩可以公平對待佢地.
Jane: 之前有甚麼合作企劃？ 未來有又甚麼？
Danny: 之前都係一些結識,唔算合作企劃.
Jane: 周邊有沒有支持 /冷水？
Danny: 都係以往認識一的廠家同人際網絡, 佢地對於我想法感覺好新奇,不過都好有興趣.
Jane: 有沒有參考其他人 / 地方的做法？
Danny: 之前冇, 到依家應該唔會, 我會按原訂計劃進行.
Jane: 合作的設計師，反應如何？
Danny: 我用相互尊重態度對待彼此關係, 平台有一份問卷, 肯回覆設計師態度正面.
Jane: 有沒有覺得設計師處於自己的世界中，其實離地？
Danny: 自從當銷售之後, 我本身衣著有自己一套, 追潮流對我可能唔太適合, 但開始左呢個 Project 之後, 我多左了解時裝設計師產品, 講真的設計真係幾靚, 所以我唔會形容設計師處於自己世界或者離地, 只係冇考慮商品化問題.
Jane: 本地推動設計的力量/資源/方向 又如何？有幫助？
Danny: 目前為止, 我都不停探索可以合作資源, 不過如果現時本地已經有力量有資源投入, 我想就好大機會出錯力.
Jane: 到目前，有甚麼是跟預期不同？
Danny: 唔, 我能夠係呢到分享, 我就知道比預期理想.
Jane: 個 project， 怎樣才算是成功？
Danny: Fairynoise 和設計師與製造業界, 彼此尊重, 能夠並存, 願意共享成果, 維持長久合作. 那一刻就應該成功.
Jane: 繼 online 後，會否伸展去其他媒體？
Danny: 我只可以講按步就班.
Jane: 讓大眾關注更多設計背後的人 / 事，這是公眾教育，也是文化一部份。香港有這條件？
Danny: 我冇咁偉大亦冇能力持續向呢個方向走, 但如果 Fairynoise 出現, 能夠令其他人產生到文化教育呢的方面興趣, 我諗我會好多謝一眾設計師支持, 同感謝大眾欣賞.
Jane: 自己會否也想過加入設計行業？
Danny: 應該太遲
Jane: 是否認為 設計師 同時也需要是個 銷售人員？ 兩者有沒有衝突？
Danny: 呢個問題我知道好多設計師想知答案, 呢個我認為係一個理念, 兩個職位從根本就有衝突, 設計師思維做創作, 銷售員思維講實際, 或者一小部份設計師能夠成功兩者兼備, 我相信亦唔會變成主流.
點解? 不如我咁樣同大家分享, 以前初入行作為銷售員, 前背教導, 公司每推出一批新產品, 就要了解產品優劣處, 評估市場能否接受, 是否容易推廣, 客戶會否購賣, 再制訂推廣和銷售方案, 大家可以發現過程根本唔會考慮設計師. 所以設計師們可以自己評估一下, 自己能夠花幾多時間去跟一個銷售部相比.
Jane: 你從事銷售多年，有甚麼 tips/建議給設計師？
Danny: 我個人認為, 身兼多職, 並非好事, 各司其職, 效果可能更好.
Jane: 甚麼的設計師，你們不會跟他合作？
Danny: 其實能彼此尊重, 工作坦誠, 就已經可以合作.
コメント