SARA NG 吳湘鏵 - Communication Designer 傳意設計師
HK PolyU - Communication Design | (Communication)
SARA COMMUNICATES - Founder
2019 青年設計才俊優異獎 - 畢業作品「闤事」
今次訪談, 對象是一位傳意設計師 Communication Designer, 2019 青年設計才俊優異獎得主.
我們相約地點是荃新天地 Citywalk 一間 Cafe, 時間是中午時份.
Thank you Amelia Lau
啊, 必須要交代一下, 能夠訪問 Sara Ng, 我是非常感謝 Amelia Lau 介紹, 感謝是因為透過這次訪問, 我又認識了一位思維不一樣設計師之餘, 亦透過 Sara 自己觀點角度, 讓我對 Communication Design 又多一個層次想法.
Sara, 給人感覺, 清晰, 直白, 有原則, 有目標的一位設計師.
Sara 眼中的市集大世界
DFA Young Design Talent Award 2019
青年設計才俊優異獎2019
'闤事'
闤《張衡 · 西京賦》：「爾乃廓開九市，通闤帶闠。」
2019年創作了畢業作品「闤事」，用明信片、日曆及色彩鮮明有關香港街市的小冊子，訴說香港具意義又獨特的市集故事。希望透過作品帶給大家我眼中的市集世界。
Designer Talk
Danny: 妳對於獲得人哋認同,有咩感想？ 有冇要多謝咩人？
Sara : 我好多謝評審和好開心有人認同我設計, 同時好感謝係參與過程中鼓勵我每一位人仕, 不過有少少插曲想分享, 就係當初參加比賽, 比賽中有一樣好吸引我, 就係 Winner 有一畢獎金，我計劃好想用呢畢獎金去外國體驗，但可惜是我呢個獎項冇呢畢獎金. (真係好直白啊!)
分享, 傳意設計 Communication Design
Danny: Fashion design/Product design, 大家可能比較容易理解, 但 communication design 有冇特別原因修讀呢科？
Sara: 當時申請 PolyU, 冇特別針對邊一科設計去選擇，我係用剔除法方式去選擇，因為我對各方面design其實都好有興趣，但就承認對於立體和空間感有些遲緩，左剔右剔, 最後剩餘"Advertising Design & Communication Design"做選擇，而兩者之間，廣告設計需要擁有好爆思維，自己又唔太喜愛。最後剩餘 Communication design, 就深入了解呢科, 過程有感呢科要求係用一啲文字或者 Visual Art 去傳達一些信息，就覺得這些是自己喜歡範疇, 另外我個人好喜歡書籍, 相信 Communication design 同 Publication 有相連，所以就順利成章選修呢一科。
傳意 + 設計 = 講故事?
Danny: Communication design 究竟係咩一門學問, 其重點著重係咩? 可以跟我們分享一下？
Sara : 唔，Communications design 跟其他設計有所不同，佢容許設計師可以以不同方式去做設計，將ㄧ些複雜信息，以文字/圖像/聲音去做設計成為傳送媒介，令受眾者可以以感觀去接觸信息，看似抽象其實可以好廣泛好無限，跟 Interior design , Advertising Design , Product design 只係針對一個產品或項目有好大分別，這個是我個人想法。
Danny: 可有具體一啲或者妳以往曾經做過，同大家分享一下?
Sara: 我嘅想法係 Communications design 屬於一種 Story telling，我自己會用一啲有趣手法，以簡單方式去叙述，讓大家可以容易去明白我想傳遞信息。
Danny: 有冇大家都熟悉，而妳又欣賞設計，可以讓大家容易明白係點樣一件事情?
Sara: 唔，DBS 出咗一個 Campaign: less like a bank, DBS 希望做得貼地啲， 意思係想做到親民啲，想給予大家DBS已經唔再係一間傳統銀行，高門檻又難以接觸.
Danny: 妳對顏色/動畫/音樂/文字表達,妳有否偏向於那一個元素？
Sara: 冇偏向那一個元素，但顏色最為常用，因為音樂動畫文字未必經常用得着，重點是顏色亦係其中一個sensit, 容易給人視覺上連繫，我個人覺得顏色有好多唔同感覺，好多人喜歡黑白灰，但係工作上會遇到好多唔同品; 例如 Cafe, 用白係可以給人 clam 感覺，不過如果sport, 運動係好 energetic, 用白好似唔能夠釋放最大效果，所以活用顏色係可以帶出不同品牌最大 personality.
作品 = 成績單?
Danny: 妳最喜歡自己邊個作品？
當我提出這個問題, 沒想到 Sara 居然好鬼馬咁對我講”可唔可以答全部呀,全部我都好鐘意喎”, 我當然不能夠就此罷休, 我常試給壓力, 但換來是她的堅持和美妙回應...
Sara 好認真解說 : 因為每一個都係自己心血，每一個都是我成長見證, 我唔想放棄任何一個.
(此時此刻回聽這段錄音訪問, 才發現 Sara 對於她的每一個作品, 都是極其寶貴, 那份珍惜從語氣中是絕對可以感受得到.)
... 既然’喜歡’未能挑選, 我思念一轉 ...
Danny: 若果要妳選一個有趣的又如何?
Sara 認真想了一下, (果然奏效) 若果是有趣得意, 我會話係一個讀書時期作品，我提過我喜歡書，好鐘意 Publication, 當時呢個項目關於香港一的做字既人 (words maker)，我們需要做訪問，做字既人指是例如寫小巴牌師傅，寫霓虹燈招牌師傅, 由構思 concept，做訪問，畫 illustration，影相，文字，再打造一本書，過程都係一手一腳去完成,現時因為要工作,根本沒時間再可以做同樣創作, 又 Publication 對於好多做設計, 都係非常喜歡, 雖然現時流行電子書, 但實體書質感, 揭書時那份感覺, 其實是沒法取代.
創作, 就是享受 - A moment of time
Danny: 對於以往創作,有冇咩趣事/深刻事,可以分享一下？
Sara: 好多，我提過我有唱 Chorus , 每年我會負責做 identity 設計，好滿足因為冇人阻礙我，我可以自由創新作。其次我好喜歡做 exhibition project, 因為可以跟唔同 party 組員互動，跟做 graphic design 唔一樣, 只係自己埋頭苦幹.
香港設計, 世界設計
Danny: 這幾年,業界非常着重香港本地設計,妳有否感受到？
Sara: 我感受到, 市民係多留意本土設計.
Danny: 香港做設計有冇前境?
Sara: 唔, 我個人感受是在於妳處於何種設計公司, 其次要考量的是接觸那些項目. 在相負相成之下, 前路可以有好大差別.
Danny: 香港政府大力提倡本地創新,支持和鼓勵青年人建立創意產業,在這種氛圍下,妳個人認為那些是重點？
Sara: 但個人感受就覺得政府支援唔大, 本身我和好幾位設計師希望做一啲有關能改善香港空間設計，借項目帶出現時市民普遍遭遇境況，活動是最希望能引發政府關注，從而作出討論什甚至跟進可能性. 不過因為申請政府 Funding 時, 政府表示項目與大灣區無關, 項目因此未能進行.
(確實, 訪問多位設計師, 對於政府如能夠多元化去做支援, 確為重要)
心向北歐, 從未改變
Danny: 妳認為邊個國家城市做設計最成功？點解？
Sara: 我覺得亞洲係台灣, 佢地藝文化做得好好, 如果歐洲, 北歐一定首選, 其次英國, 好似好多大型 Agencies 同 Studio, 一定有分部設立於英國, 不過我沒有經歷過就不便評論太多, 其次芬蘭, 這個地方非常支持設計師, 好多例如政府等項目, 都會誠邀設計師參與, 這是我知道的.
Danny: 由訪問開始, 我發現妳對北歐好有感覺.
Sara: 2016 有機會 sem exchange, 我和一位同學 Sharon Leung 一起 exchange 去芬蘭做交換生, 當時大家都非常喜歡逛當地 Vintage store, 即係舊物或者二手店之類, 價錢真係好便宜，Sharon 好喜歡家品, 例如杯碟，當地一只普通白色正常價格要差不多€20, 但在Vintage store只會是€0.5-1, 唔好以為標價低，質量就一定有問題，事實係Vintage store 出售大部份產品質量都非常高。當然大家要花時間去挑選。
仲有, 我住地方係距離 Helsinki 大概一個小時火車時間，呢個地方相比香港，生活節奏比較慢，人比較少，相對空間就比較多，因為我唔太鐘意太擠迫環境。
Danny: 差不多7年自僱生涯, 感覺如何?
Sara: 7年自僱, 其實都係 Freelance Job, 唔算一間公司, 係跟朋友一起做.
(我覺得 Freelance 只不過係一個形容詞, 其過程其實跟 Run 一間公司無異, 只不過規模差異.)
Danny: 妳理想 Saracommunicates 係點樣?
Sara: 想多元化, 唔會單一做設計, 如果可以, 多元的例如 Workshop 和 Exhibition 項目, 什至關於 Facial 專項, 因為我們都好喜歡, 如果有機會, 將 Saracommunicates 伸延到北歐就最理想.
Sara 淺談設計師應有特質
Danny: 妳認為要成為 Communication designer, 應該有咩特質？
Sara: 要好 Sesentive? 同好 Visual? (點解咁多問號? 因為Sara 自己都唔太肯定). 要懂得運用唔同技巧去Communicate, 我認為重要係 Story telling, 我經常強調 storytelling, 係因為一個好故事, 需要有好好鋪排, 故事要吸引大家自然容易投入.
Sara: Experience design 其實係 Communications design 𥚃面其中最重要一環，大家可以設計出好好branding, 展示出好好campaign ， 但是展示內容若果跟實際相差大遠，落差好大，出來‘反效果‘可以影響好深遠。
這可能是世界上所有職業人都有的困惑
Danny: 妳認為點先係成功設計師？
Sara: 你呢條問題好難.
Danny: 過去6年職業生涯，如果遇到非常主觀客戶項目有以上情況，會否有推Job意念? 答案竟然是"冇"
Sara: 大概因為我做 Agencies, 大部份都係品牌客戶, 雖然見客戶之前都會了解客戶背景，委托是什麼一個項目，如果遇到主觀性太強客戶，都會盡力讓客戶明白狀況。不過大多時間礙於客戶原則性，不可能接受太多意見，觀點經常有矛盾，這倒讓我困惑常常反思那裡出問題，下次應如何處理。
不同人有不同觀點和立場，平常不過。
嘗試理解其背後因由，彼此衡量，若能共同，找出一個平衡點，那怕最後唔能夠全面共識，即使是一小撮，讓事情能走下去就已經非常難得。
Danny: 咁妳想自己成為怎樣一位設計師?
Sara: 正如我當前困惑, 我好希望有一天我可以用我想法成功說服每一位客戶, 或者說每一位客戶都能夠信任我想法是能夠幫助佢. 不過我正在學習當中.
我隨便說了一句, 彼此信任非常重要, Sara 聽到即問, 信任如何建立?
[ 我簡單地回應, 當成功個案不斷增加, 信任自然而然就會來到 ]
Sara 眼中沒有最欣賞的?
Danny: 妳有冇欣賞設計師？
Sara: 我個人並無特別話欣賞那一位, 不過想分享一些設計師給大家, 因為我喜愛書籍同 Publication, 想介紹 NICHOLAS FELTON, 佢係 infographic designer, 佢專注設計 Annual report. 另外, 亦有兩位設計師 GIORGIA LUPI & STEFANIE POSAVEC, 兩位來自不同國家, 相互以設計去表達自己日常一些生活, 這個概念是非常有趣又夠創意, 大家不妨去觀賞一下.
知遇和感恩
Danny: 妳有冇要多謝人？
Sara: 蔡劍雄, 我記得學生時期開始要選科時候, 學校籌辦一個 Design Camp, 因為從小我已經開始畫圖, 想了解多的設計, 當時蔡劍雄係一位導師, 為我解開好多疑問. 另外, Amy Chow, 可以話佢係我恩師,Year 1 佢係我tutor, 教 artistic, 我學咗好多嘢. 亦是 Amy 鼓勵我參加YDA。
Amy Chow, 影響力真驚人
這鼓勵語是否已告訴我們, Sara 心裡成功設計師模樣?
Danny: 可唔可以對現在修讀或準備修讀 Communication design 同學講的鼓勵說話？
Sara: 我認識好多朋友已經轉行, 我認為要成功畢業唔係太難一件事, 反而將來要加入工作, 我寄語大家...
要有接受批評心理準備,
要有好強大心臟,
要準備接受批評,
要謙卑,
要信念堅持,
要保持心態持續進步.
而我留低, 是因為我真心喜歡設計!
Danny: 最後, 我想妳表達一下, Amelia Lau 這位同窗朋友印象係點樣?
Sara: 佢係一位好神奇既人, 當初我係讀Communication design 認識 Amelia, 佢當時已經係 Product design, 不過佢又計劃讀 Artictect Design, 再過一段時間佢又愛上畫畫, 佢係一個想不停改變自己既人, 我地有做過16型人格分析, 我地係同一樣人格, 但唔知點解大家思路可以相差咁遠, 所以我覺得佢係好神奇好有趣一個人.
Danny: 妳想唔想知係 Amelia 心裡, 妳是點樣一個人?
Useful link:
YDA 2019 Award 作品 link
Fluentechorus IG link (look link)
SARA COMMUNICATES
Comentarios